Вила ” Julianos “- Крф 2018

278

Вила ЈУЛИАНОС

Релативно новоградба лоцирана во помирен дел на Ипсос – Крф, на 600м од плажата.

Вила Јулианос располага со:

  • 3 студија за 2 лица
  • 1 апартман за 4 лица (со посебни спални)

Сите се опремени со сопствена физички одделена кујна и комплетно опремена (голем шпорет со рерна, тостер, голем фрижидер, чаши, филџани, лажици, вилушки, ножеви, ѓезве, тенџере) тоалет, балкон, wi-fi и клима (која не е вклучена во цената и се доплаќа кај самиот сопственик на вилата, 6 евра на ден

Вила АЛЕКСАНДРОС

Вилата се наоѓа на 150 метри од плажа на Ипсос – Крф. Целосно реновирана оваа година, со убав и голем двор со зеленило. Близу до плажа, а сепак мирен дел на Ипсос.

Напомена: Заради реновирањето сликите од вилата ќе бидат објавени наскоро.

Вила Александрос располага со:

  • 8 студија за 2 лица
  • 3 студија за 3 лица
  • 1 апартман за 5 лица дуплекс (со посебни спални)

Сите се опремени со сопствена кујна која е комплетно опремена, тоалет, балкон, wi-fi и клима (која не е вклучена во цената и се доплаќа кај самиот сопственик на вилата, 6 евра од ден)

АРАНЖМАНОТ ЛЕТО НА КРФ ВКЛУЧУВА:
  • 7 ноќевања, 8 дена на Крф/Ипсос
  • Автобуски превоз Скопје – Крф – Скопје
  • Траект/брод Игуменица – Крф – Игуменица
  • Превоз и прошетка до градот Крф
  • Придружник за време на патувањето и во текот на 8 дена на Крф, организиран престој и дополнителни бенефиции

 

АРАНЖМАНОТ ЛЕТО НА КРФ НЕ ВКЛУЧУВА:
  • Патничко и здравствено осигурување 250ден.
  • Организиран излет со превоз на плажата Глифада – 12 евра
  • Еднодневен излет со брод (крстарење по североисточниот брег со вклучен ручек и пијалак) и посета на неколку плажи – 25 евра во јуни и септември, 30 евра во јули и август
  • Еднодневен излет до Палеокастрица и Сидари ( посета на повеќе плажи, туристички атракции и beach барови) – 20 евра
  • Посета на Акваленд со вклучена влезница и превоз – 25 евра во јуни и септември, 30 евра во јули и август
  • Еднодневен излет со брод (крстарење низ неколку мали острови, посета на плажата Blue Lagoon и посета на градчето Сивота)
  • Еднодневен излет со брод (крстарење по југоисточната обала и посета на прекрасните острови Паксос и Антипаксос и посета на сините пештери) – 25 евра во јуни и септември, 30 евра во јули и август

 

НАПОМЕНА:
  • За сингл соба се доплаќа плус 70% од редовната цена
  • За споен термин, се плаќа редовата цена за првиот термин, а се одземаат 20 евра по лице за превозот од редовната цена на вториот термин (за цените со попуст се намалува само 10 евра по лице)
  • Термините во табелата се ден на тргнување од Скопје
  • Седиштата се нумерирани
  • За сопствен превоз се одземаат 20 евра од цената на понудата, а патниците сами го организираат патот со траектот до и од Крф (за цените со попуст се намалува само 10 евра по лице)
  • Трето лице на дополнителен кревет плаќа 70% од цената (Има можност во вила Јулианос)
  • Користење само на превоз со вклучена траект карта е 70 евра
  • За дете до 2 год. бесплатно, не користи кревет и седиште во автобус
  • За дете од 2 до 11.99 год. на дополнителен кревет се плаќа 50% од цената

ИЗЛЕТИ

ГЛИФАДА

Долга, песочна и организирана плажа што ќе ве освои ова лето со својата природна убавина како и преубавиот поглед кој завршува во недоглед, таму некаде на последната линија од хоризонтот. Плажа за сечиј вкус каде што секој ќе може да ужива во преубавите кафулиња, таверни, водени спортови како и во помирниот дел кој што е наменет за апсолутна релаксација.

 

ОСТРОВСКА ТУРА

Aко природниот рај има име тогаш на Крф тоа име е Палеокастрица, место богато со историја, богато со природна убавина и преубави плажи. Ладната и бистра вода се карактеристични за Палеокастрица која е најпопуларна меѓу нуркачите и истражувачите на морскиот свет.

Сидари пак е познато по легендарниот канал на љубовта, местото каде природата создала свои траги што ќе се најдат во сечиј фотоапарат. Фантастичните геолошки формации создадени од морето и сонцето ќе ве остават без здив.

 

ГРАДОТ КРФ ВКЛУЧЕНА ВО АРАНЖМАНОТ

Крф е познат по специфичната архитектура, што е најзабележливо гледајќи го Листон – колонада преполна со кафулиња што се протега по самиот раб на Спинадата (плоштадот), парк со терен за крикет, неколку павиљони како и градското собрание. Неодамна реновираната палата на св. Михаил и Ѓорѓи која била дом на Британскиот гувернер, седиштето на Јонскиот сенат, како и родното место на Војводата од Единбург. Повеќе пати освојуван од разни култури, најмногу европски. Затоа може да кажеме дека овој прекрасен град пред се има шмек на Лондон, Париз и Венеција.

 

КРСТАРЕЊЕ

Излет со брод со вклучен ручек, целодневно шармантно и релаксирано крстарење по североисточниот брег на Крф. Отпловувајќи од Ипсос, денот започнува со забавна музика, уживање во природата и посетување на многу интересни и преубави места: пештера стара 200 години, рибарско гратче Касиопи со 300 години стара тврдина, плажата Лумнопула која во превод значи мало езеро и која има прекрасна зеленкасто тиркизна боја како и попатни интересни информации за островот. Убава можност да се види природната граница на Јонското и Јадранското море која впечатливо е отцртана со зеленкаста боја, плажите на Албанија како и по некој делфин подготвен за фотографирање.

 

АКВА ПАРК

Аква паркот на Крф е една од нај посетените туристички атракции како и меѓу најдобрите водни паркови во Европа. Покрај многубројните базени, тобогани, ресторани, терени, мрзливата река и други атракции овој аква парк располага и со тобоган кој има 50 метри слободен пад, рај за жедните за адреналин.

 

BLUE LAGOON И СИВОТА

Излет со брод со вклучен ручек, целодневно и релаксирано крстарење. Крстарење околу малото пристаниште во селото Сивота и можност за посета на големиот број продавници. Посета на blue lagoon (сината лагуна) со јасно кристална вода, каде е снимен истоимениот филм. Посета на историската морска пештера Papanikolis.
Бавно крстарење околу многу мали живописни островчиња и убава можност за разладување во преубавата тиркизна вода.

 

ПАКСОС, АНТИПАКСОС И СИНИТЕ ПЕШТЕРИ

Овој брод за крстарење ќе ве однесе до прекрасните острови Паксос и Антипаксос, два острова кои изобилуваат со бујно зеленило и егзотична вода. Отпловување од пристаништето на Крф каде што се пружа единствен поглед на стариот град со венецијанска архитектура и двете тврдини. Се плови кон јужниот дел на островот при што се приоѓа на зелениот остров на Паксос, покриен со маслинови и зимзелени дрва. Посета на Сините Пештери на Паксос. Бродот влегува во овие пештери и може да се направат прекрасни фотографии. По Сините Пештери, се продолжува кон малиот остров Антипаксос. Прекрасна можност за пливање, уживање во песочните плажи на Антипаксос и релаксирање под топлото сонце.

По Антипаксос, се упатуваме кон главниот остров Паксос. Влегуваме во пристаништето на Gaios (Гаиос) каде се минува низ островите Panagia (Богородица) и Agios Nikolaos (Свети Никола). Прекрасна можност за прошетка низ прекрасните тесни улички како и ручек во еден од традиционалните таверни со поглед на море.